內地有一個男人，喺網上放售Mazda 6汽車，但佢賣完部車後，竟然即刻偷返部車再賣出，前前後後一共有七次咁多，最終就被警方拘捕。
©北京晚报
賣車賊姓劉，喺2008年去北京打工，幾年前喺網上用3.4萬人仔買左一部二手Mazda 6車。但之後因為手頭緊張，佢就唸咗個可以賺錢嘅方法。佢首先喺車到裝GPS，配埋後備鎖匙，再進行車輛改造，包括安裝假車牌同埋辦理假手續，之後再放上網賣。
©mazda
今年四月果陣，有一位姓崔嘅買家聯絡劉，佢對架車非常之滿意，以5.1萬人仔買咗架車，點知第二架車就比人偷咗，於是佢即刻報警求助。之後警方發現，涉案嘅Mazda 6多次被賣，而且收到多位人士報案，都係話買完架車後好快就比人偷咗，查證後發現車主都係劉氏。原來佢成功售出架車後，就利用GPS同後備鎖匙偷返部車返黎～
©mazda
劉話自己過去曾比人用同一個手段呃錢，所以唸到依個方法賣車，法院最終判佢有期徒刑五至七年。
資料來源：北京晚报
圖片來源：mazda、北京晚报
撰文：Yanica
