蟻民 Ants Public

近排唔知係咪因為《中國有嘻哈》等節目令到更多人留意咗Rap，有唔少機構或團體都用Rap去宣揚一啲訊息或者幫自己宣傳。就好似近排喺香港就有唔少中學學生會都唱Rap去講出佢地嘅政綱。
而最近杭州下沙派出所就分享咗一段影片，內容係一位90後嘅警花唱rap介紹警察日常工作。由於做法新穎，而且片中嘅警花都幾靚，引起網民注意，意外爆紅！
片中警花叫馮書婷，嚟自浙江杭州下沙聞潮派出所，喺中國人民公安大學畢業，佢搵埋杭州電子科技大學學生韓雨琦合作，一齊分享作為警察嘅日常工作同埋教育市民，佢特別有提到每日都要處理啲人投訴大媽喺廣場跳舞，令佢筋疲力盡。
唔少網友都覺得依首歌順耳得嚟又易記，而家又有意義，所以先可以咁受歡迎。