情人節食燭光晚餐食到厭? 自己煮又變暗黑料理? 想測試同另一半有幾情比金堅?又有幾刻骨銘心? 咁就唔好錯過今年「酒鍋」推出嘅「情人窩心套餐」，同心愛嘅另一半打住邊爐、飲住Cocktail、望住個海景過情人節，簡直就係the quality of life!
係咪諗起都覺得好浪漫? 諗起都覺得好興奮? 位於尖沙咀同銅鑼灣嘅餐廳「酒鍋」，係香港第一間結合火鍋同雞尾酒嘅餐廳。超嶄新嘅飲食配搭為顧客提供不一樣嘅料理體驗，小編相信你睇埋個Menu一定更興奮!!!
▼ 睇落係咪好靚好吸引呢? 鐘情少女夢幻風嘅你係咪已經好想打電話去訂枱呢?呢款係「酒鍋」為情人節特別調配嘅湯底—「甜絲絲」 (材料包括藍莓鮮奶、花膠、鮮雞同棉花糖) 係呢個moment，望住粉藍色嘅湯底，再加多舊雲咁款嘅棉花糖，據講好似會置身喺甜蜜嘅糖果國度入面~
▼ 湯底夠特別之外，配料同樣係顛覆飲食創意! 你以為佢係普通心連心造型墨魚滑? 但其實佢係加入咗新鮮士多啤梨同藍莓，為普通平凡嘅墨魚滑加入一點酸甜嘅滋味!
▼ 呢款名為「如癡如醉」酒心水晶包...你又估唔估到入面係咩呢? 3...2...1...好! 你一定估唔到，其實水晶包之內係滿滿嘅士多啤梨同清酒，放落去打邊爐度...真係一啖食出好滋味!
▼ 連飲品都充滿愛嘅感覺...「酒鍋」推出兩款情人節限定嘅特色雞尾酒—「At First Sight」同「A Good Night Kiss」。 係咪睇個款都感受到果種刻骨銘心嘅感覺?
呢Set「刻骨銘心初戀金銀情侶套餐」...啊唔係，係酒鍋嘅「情人窩心套餐」，盛惠港幣688...一位! 如果大家有興趣同另一半係情人節黎個情比金堅大挑戰，不妨去酒鍋試下，尖沙咀同銅鑼灣都有分店。
「酒鍋」
尖沙咀旗艦店：九龍尖沙咀天文臺道8號2樓1號店—（852）2323-9038
銅鑼灣分店：香港銅鑼灣登龍街18號V Point 27樓—（852）2323-7098
圖片來源：官方提供
撰文：食家牟尼
