今星期8套新戲咩類型都有，仲有小編期待已久嘅《訪嚇》，正啊！
1. 訪‧嚇（美國）
呢套一定係必睇！美國本土超過8成半好評！剩係睇trailer都感受到演員演技有幾精湛啊！雖然上網已經有得睇，但呢啲講氣氛嘅戲梗係要入戲院支持下喇～
故事簡介：非洲裔攝影師Chris同白人女友Rose感情穩定，Rose決定帶男友返紐約郊外屋企見家長。白人社區加上女友父母過度熱情嘅款待，令到Chris同呢個黑人周身唔聚財。之後唔尋常嘅怪事接二連三發生，Chris開始懷疑，不祥嘅感覺究竟只係自己疑神疑鬼，定係踏進黑色恐怖嘅預兆……
| {youtube}15UqaAUbOLU{/youtube} |
2. 一週的朋友（日本）
改篇自漫畫嘅愛情電影，睇完故事簡介覺得有啲似2003年古天樂套《失憶界女王》，日本人睇完就話覺得有啲虎頭蛇尾，唔知大家又有無興趣呢？
故事簡介：高中二年級嘅女主角香織因為一場車禍而有記憶障礙，對於周遭朋友嘅記憶「只能維持一週」，為咗唔令人誤會同傷心，佢慢慢將自己孤立起嚟。同班同學祐樹一見香織就已經愛上咗佢，知道咗香織呢個祕密後仍然願意每個星期重新同香織做朋友。就算不停被香織忘記，祐樹仍然每周同她講一次「請和我做朋友」……到底最後佢地嘅結局係點？
| {youtube}e4S_UdbHF8M{/youtube} |
3. 毒。誡（香港）
呢套戲係根據“慈雲山十三太保”之首陳慎芝嘅真實故事改編而成，演員陣容就有港產片常客劉青雲、林家棟同古天樂，睇嚟可以一戰啊！
故事簡介：七十年代嘅香港，警察貪污，黑道橫行，正係陳華、喇叭同貓仔最風光嘅日子。陳華被視為「慈雲山十三太保」之首，氣燄高漲；仲結識咗一生最愛可柔，共度人生最甜蜜的時光。可惜之後因為私下販毒而被幫會追殺，好彩有掃毒組組長哈雷幫手，但就要坐監。出獄後，陳華父親死咗，女友又失蹤，所以佢立志重新做人，仲拎埋十大傑青，又經常出手調停江湖糾紛，深受黑白兩道敬重。咁最後佢同可柔嘅愛情路又會點走落去呢？
| {youtube}UuYCAJ01dso{/youtube} |
4. 畢作虧心事（羅馬利亞）
之前喺香港國際電影節上過兩場都大獲好評，仲吸引到香港片商買片上正場。好多人睇完都話呢套戲唔止反映羅馬利亞嘅教育制度同社會問題，仲反映埋香港添～仲話呢套戲係怪獸家長必睇啊！
故事簡介：考試如人生戰場，只許勝不許敗？麗莎背負住父親嘅厚望，自小接受最頂級教育，只差一步就可以獲取獎學金到英國讀大學。點知考試前夕，麗莎喺學校附近慘遭侵犯，大好前程幾乎毀於一旦。父親從來唔貪圖金權利誘，但而家就面對兩難抉擇：叫負傷嘅麗莎憑實力應試？定係放棄做人原則，靠關係走捷徑幫女兒作弊？電影以父女題材，揭示貪污社會利益勾結、兩代溝通隔膜、同人生所不能承受嘅妥協與無助。
| {youtube}h3f9ODpCGOM{/youtube} |
5. 圓美圈套（美國）
故事其實幾吸引，但IMDb只係得5.3分，好多觀眾都話拍到出嚟完全唔係嗰回事。但有Emma Watson同Tom Hanks，小編點都會入場支持下嘅～
故事簡介：年輕上班族美獲公司創辦人艾蒙比利賞識，邀請佢參與劃時代嘅實驗 – 將自己一舉一動全部公開，挑戰私隱、倫理道德同個人自由嘅底線！美喺實驗嘅每個決定都會影響自己同親朋好友未來，甚至全人類都會受牽連。同時間一位神秘員工卡頓嘗試接近她，並披露驚人機密…
| {youtube}zCUIjruQaYc{/youtube} |
6. 二十比十六（香港、中國）
老實講，故事就係好老土嘅獅子山下努力拼搏創業嘅勵志電影，唯一賣點就係佢所有收益都會捐俾慈善機構，如果得閒無野做又想做下善事可以睇下。
故事簡介：改編自葉氏化工發展史嘅真實故事，由上世紀六十年代末葉氏兄妹由廣東石龍鎮攀山越嶺，經八小時游過后海灣喺流浮山尖鼻咀登岸同創立「恒昌行」講起，貫穿咗集團嘅發展史，有最初嘅艱辛淚水，又有困境中嘅堅強拼搏。
| {youtube}4TobWDM4sbU{/youtube} |
7. 傷物語III：冷血篇（日本）
日本好出名嘅動畫，目標觀眾都係佢啲死忠，如果有睇過之前兩集就一定會入場睇，如果未睇過就做下功課先喇～
故事簡介：喺怪異專家忍野咩咩幫助之下，阿良良木曆戰勝咗三位強大嘅吸血鬼獵人，終於成功奪回吸血鬼姬絲秀忒．雅賽蘿拉莉昂．刃下心嘅四肢。但當曆再次到姬絲秀忒身邊時先發現吸血鬼令人懼怕嘅本質係咩，曆因為自己犯下不可彌補嘅過失而感到自責。
| {youtube}zjj8vhiOtpQ{/youtube} |
雖然今個星期有成7套戲上，但其實有興趣嘅都只係得兩三套，所以今個星期時間都好充裕啊！
圖片來源：網上
撰者：Kinnie
