豬喺大家嘅心目中係又懶又肥，相信有唔少人都比人罵過「懶過豬」！不過諗深一層，做豬都唔錯吖，唔洗返工搵錢，日日食同訓，尤其係呢隻名為Hank 嘅粉紅迷你豬！
迷你豬Hank 粉紅嘅豬鼻加埋長期微笑嘅嘴色，真係超可愛啊！Hank 每日嘅生活就係做返自己嘅天職，食同訓！Hank 每日都有食唔完嘅美食，而且又唔洗怕肥，因為豬仔愈肥愈可愛嘛！
Hank 嘅主人喺喺 8星期大時開始收養Hank ，佢哋表示其實細細個就已經想養寵物，不過唔係大家習以為常嘅貓或者狗，而係一隻豬仔，不過當時媽媽唔俾。直到而家結咗婚、有自己嘅家先決心完夢養豬仔。收養過後，佢哋為Hank 開個個Instagram，分享呢隻可愛豬仔嘅生活點滴，短短幾個月間就成功吸咗超過十六萬粉絲。
後宮佳麗三千。
Hank 日日生活都無憂無慮，出入仲有私家車做，你真係唔羨慕得咁多架啦！
生活咁寫意，得閒咁同啲friend social下囉！
Hank 咁可愛，難怪佢咁受歡迎啦！連警察都忍唔住要集郵。
圖片來源：Instagram @ mybestfriendhank
撰文：Amber
