台灣女生小琪兩年前年時返工期間不幸遇上八仙塵爆受傷，偶像周杰倫（周董）當時曾錄音替其打氣，更承諾小琪康復後會佢去邀請去睇演唱會。估唔到兩年後，周董並冇忘記承諾，更表明想邀請該名歌迷參加九月喺台北嘅演唱會，好貼心啊！！
現年18歲嘅小琪2015年時返工期間遇上八仙塵爆，小腿及腳掌嚴重燒傷送醫急救。台灣組織「家扶基金會」當時得悉小琪視周董為偶像後，就請周董錄一段說話鼓勵佢。當時身在內地嘅周董特別錄製一段話替其打氣，更承諾小琪康復後會佢去邀請去睇演唱會。
事隔兩年，當大家都忘記呢件事時，家扶基金會最近收到周董助理轉告，「請小琪選9月底到10初的4場小巨蛋演唱會中的一場，會送她2張票欣賞。」小琪收到消息後超激動，更表示好感謝自己偶像一直記得這個承諾。
來自偶像嘅力量，令小琪變得更勇敢。就算腳上綁住彈性繃帶，小琪都依舊去跳舞、運動，更考取救生員執照。樂觀嘅小琪表示：「因為醫生說心情好是對傷疤最好的療效。」
其實周董對粉絲好唔係第一日嘅事，例如今年2月時有一位媽媽喺周董嘅Facebook page 上留言透露佢今年27歲嘅女自國中開始就係周董嘅忠實粉絲，每場演唱會均從未缺席，可惜最近患上子宮內膜癌，需要做手術摘除子宮及卵巢。呢位媽媽希望周董可以幫手到女兒嘅Facebook 留言鼓勵。周董之後真係去咗呢位患癌粉絲嘅Facebook 留言打氣！呢啲偶像真係不得了！
圖片來源：Facebook、Internet
撰文：Amber
