繼《前女友俱樂部》後，事隔一年，宋智孝再有新劇推出，演出同名日劇改編嘅《老婆這周要出牆》。
▲《老婆這周要出牆》劇照。
南韓有線電視台JTBC日前宣佈將推出由宋智孝及李善均主演的新劇《老婆這周要出牆》，佢喺劇中飾演一名背住老公紅杏出牆嘅老婆。
劇情講述飾演丈夫嘅李善均，意外咁喺老婆 (宋智孝飾) 嘅手機發現咗佢出軌嘅聊天訊息。為咗挽救呢段感情，無晒計嘅丈夫唯有喺SNS上發文搵幫手，但又唔可以俾老婆識穿，佢就用假身份同網友進行交流，就喺咁引發咗一連串的故事嘞。
劇組發佈咗飾演女強人鄭秀妍嘅宋智孝劇照。照片中宋智孝幹練又冷酷嘅女強人樣，同平常喺綜藝節目「懵智」嘅形象完全不同，真係十分令人期待。
▲ 劇照中的女強人形象。
▲《老婆這周要出牆》劇中演員合照。
劇集預計於今年10月28日韓國首播，一眾懵智鐵粉要密切留意啦！
撰文：Irene Leung
