扯貓尾
「扯貓尾」意即雙方串通設局，使人跌入陷阱，書面語為「唱雙簧」。
「扯貓尾」係由詞語「謬為」嘅諧音衍生出嚟。「謬」與「貓」、「為」與「尾」諧音相近，兩個加埋就讀成「貓尾」。將「謬為」當動詞用則寫成「謬為之」。‘謬爲之’在諧音和文義的結合下，「貓尾之」就被人講成係「扯貓尾」了。
生滋貓入眼
其實成句應該係一句歇後語「生滋貓入眼 色迷迷」，即係指該人色迷迷咁睇中對方。「生滋貓入眼 色迷迷」係指男女偶然相會，男人先見面就被靚女吸引，對眼色迷迷咁望住對方，個樣失魂落魄咁，好似「生滋貓」生愛滋嘅樣咁，眼神迷濛。
出貓
意即作弊。其來源有以下兩個講法：
據教育局國語字典，「貓」係北平方言，指「躲藏」。係躲藏中顯露出黎，則形容為「出貓」。而係考試中，考生將寫好答案嘅紙「貓起來」（即藏起來），係考試中拎出黎抄，呢個動作則形容為「出貓」啦。
據「擔天望地廣府俗語探奇」: 「出貓」嘅「貓」係借音字，係「毛」嘅普通話音變。「毛」係北方話有不規矩之意，考試作弊時，考生偷偷地拎張寫好答案嘅紙抄答案，行為閃縮，本身作弊行為當然唔規矩啦，故此用「出毛」來形容作弊，後來講下講下就變成「出貓」啦。
食死貓
意即被人冤枉，要食啞巴虧，接受並非因自己犯錯而造成的後果。
廣東人鍾意食貓、狗肉，新鮮劏好的貓肉鮮甜甘香，唔腥唔臊，好多食客都鐘意食。但一班貓困係籠裏，少不免有打鬥死亡。但食店老闆又唔捨得扔咗死貓，就照樣炮製死貓俾食客食。生客唔知頭唔知路，就食咗死貓肉，於是就質問老闆做乜要質人「食死貓」，後來就引伸為被人冤枉，吃啞巴虧。
食貓面
意思即係被人大罵一場。「食貓面」係「識貌面」諧音，「貌面」即嘴臉。食人地嘴臉、面色，引伸為被人罵。
圖片及資料來源：互聯網
文：維
