近日有台灣網民發現有個自稱係3個小朋友嘅媽媽喺網上賣8歲女兒嘅「原味底褲」，仲有埋買家評語，事件引起網民熱議，好多人都話應該報警處理。
呢位媽媽保證貨品都係真貨，仲分享埋買家評價。
之後陸續有網民表示，呢位媽媽唔止賣個女嘅底褲，仲會賣自己嘅內衣同有經血嘅衛生巾。最最最重要嘅係，佢老公係知情架！
其實呢位媽媽幾個月前都post過自己個女嘅相，以證明自己啲貨係貨真價實。
網民睇完都聲討呢個媽媽，話佢變態！
亦有網民好擔心小朋友大個之後會繼續俾媽媽出賣。
其實之前有人試過報警，但由於內衣褲唔算違禁品，所以警方都束手無策，唔知台灣當局會唔會考慮吓修改法例，令戀童癖嘅人無機會再作惡呢～
圖片及資料來源：爆料公社
撰者: Kinnie
