大家都知道「愛真的需要勇氣，來面對流言蜚語」，特別係對於同性戀者黎講，要修成正果真係要克服好多嘅困難。但係以下呢一對真係令人好實在地感受到佢地之間嘅果份真摰愛情！
佢地分別係Carine同Soerine，兩個都係喺丹麥住，平日喜歡一齊玩Cosplay！曾經扮過Supergirl 同埋Powergirl～
又扮過美少女戰士！
兩個都係專業Cosplayer，自然一拍即合，終於較早前喺迪士尼求婚成功～最近結婚喇！
＼
Carine 話雖然人生有好多困難要面對，但係同對方一齊就唔會怕，因為Soerine就係佢嘅動力！
佢仲話同Soerine 一齊係佢生命中最好嘅事！佢亦都無法想像如果佢失去對方會點呀～
因為太美好，所以連佢自己都問究竟佢做過咩好事，今世可以有個咁好嘅伴侶～
兩個人互相依賴，互相照顧，互相深愛對方，成件事真係好美好。
有時候人會比好多所謂嘅約定俗成或者傳統限制，但果啲限制係咪真係仍然適合今時今日嘅社會呢？
點解情侶一定要係一個男配一個女？你睇下Carine同Soerine 兩個女仔，一樣愛得好幸福。
佢地呢份愛，唔通就比唔上果啲所謂「正常」情侶？
圖片來源: Rinaca Cosplay @facebook
撰文: Msrachel
