「黑白戀人」年輕時被迫分開 43年後再譜戀曲

Amber So 25 Jul, 2017



美國黑人Howard Foster 同白人Myra Clark 於60年代喺美國俄亥俄州高中相遇,呢對「黑白小情侶」雖然年紀輕輕,但卻愛得好深,早已認定對方係命中註定嘅戀人。



當年美國社會上存在嚴重嘅種族歧視,呢對「黑白戀人」單單係拖手行街都會受盡白眼及諷刺。Myra 受夠社會眾人嘅歧視,而Howard亦唔想因為自己嘅膚色令女友受到不公平嘅對待,為咗女友嘅幸福同快樂,Howard 忍痛同Myra 講分手。Howard 去到Myra 就讀嘅大學講分手,Myra 不發一言,兩人分開時都有回頭並向對方揮手道別,Myra 知道終有一日會再遇上Howard 。



分手後半個多世紀雙方都冇交集,從此「你有你嘅生活,我有我嘅忙碌」,雖然呢幾十年Howard 同Myra 都好掛念對方,不過佢哋從來冇諗過有機會再譜戀曲。直到2013年,兩人於朋友幫助下再次見面。相隔43年後,Howard 同Myra 再見面後一啲都唔生疏,如當年一樣無所不談,並於2015年結婚。



每當有人問點解佢哋年過60都要結婚時,Howard 都會回答:「結婚唔係為咗想做啲咩,只係想共渡餘生。」



43年前,社會壓力令到Howard 同Myra 分開。43年後,Howard 表示再唔會有任何嘢可以分開佢哋:「我放過一次手,從今以後我再唔會輕易放手。」


圖片來源:dispatch
撰文:Amber

聯 絡 我 們