雖然要到聖誕先有長假期，無得過不停喺屋企煲劇嘅快樂生活，Netflix最近就精選咗5套韓國影視作品推薦比大家，無論係劇集定綜藝都有，週末係屋企睇彌補下心靈都唔錯！
《秘密森林》（Stranger）
秘密森林(비밀의 숲)為韓國tvN2017年6月起播出嘅週末連續劇，拿下tvN收視率5.6%，由《Mrs. Cop》安吉鎬導演同編劇李秀妍作家攜手合作。套劇採用先製作後播出嘅方式。講述了失去感情嘅檢察官黃時穆同正義的警察韓汝珍一同揭開檢查廳內部秘密，捕捉真正罪犯嘅故事。
《秘行要員》（Man to Man）
《秘行要員》拿下JTBC首播收視最高紀錄4.8%，講述多才多藝嘅謎樣男子金蔎雨（朴海鎮 飾）成為超級巨星呂雲光（朴誠雄 飾）嘅保鑣後，捲入唔同事件同點解開背後嘅故事。
《拜託冰箱》
節目方式係嘉賓帶埋自己屋企嘅雪櫃一齊去到節目現場，八位廚師直接用冰箱入面嘅原材料，兩兩對決，用最普通嘅食材喺15分鐘內現場做出美食。
《認識的哥哥》
由韓國嘅主持人姜鎬童、金希澈、李壽根、金永哲、徐章煇、李尚敏、閔京勳主持。每期節目主題都唔同，以解答人生中雖然唔係好重大但又會令人好奇不已嘅問題為主題。節目多數都會請好多大勢偶像上去吸引觀眾。
《非首腦會談》
將最近二三十歲韓國青年嘅煩惱作為每集嘅主題，由三位主持人同各個喺韓國生活嘅各國出演者所組成嘅非首腦代表，根據主題事件進行討論，每集結尾由非首腦代表投票主題人物係正常定非正常。
有咁多選擇，今個週末你會揀邊套嚟睇？
資料來源：Netflix
圖片來源：Netflix及互聯網
撰文：Yanica
