全球影迷都好關注迪士尼真人電影《花木蘭》嘅選角,繼之前落實由劉亦菲出演花木蘭後,近日電影公司亦公開花木蘭師父董司令將由甄子丹飾演。
今次係甄子丹第二次參演迪士尼電影,上一次就係2016年《星際大戰外傳:俠盜一號》入面嘅盲僧。
甄子丹話迪士尼今次好有誠意,願意就佢時間拍攝,加上故事講男女平等好有正能量,所以佢決定接拍。
工作人員透露,《花木蘭》由香港導演江志強擔任執行製作,佢曾經製作過《臥虎藏龍》、《英雄》、《色戒》等著名電影。
圖片及資料來源:ETtoday,on.cc撰者:Yee