韓國最天然男團!另類外貌引關注

Amber So 27 Mar, 2017


韓國大部份男團成員無論外貌、才華都相當出眾,成功令全球少女為知著迷。有樣又有實力嘅人太多,所以有娛樂公司大膽地反其道而行,搵咗幾位同大眾審美觀有啲距離嘅男仔組成組合出道。一如娛樂公司所料,外貌出晒事嘅成員成功引起大眾關注。


韓國男團位位都係花美男?少年,你太年輕了!「Alldayz」同「Zetta」呢兩隊男團,成功顛覆大家對韓國男團一定係有型又靚仔嘅既定印象。「Alldayz」同「Zetta」團員國字面、扁鼻、鞋抽面、矇豬眼齊晒。網友笑言佢哋外貌咁「天然」一定冇整容,而且一定係走實力路線喎!


五人男團Zetta 去年月以《Poker Face》一曲出道,主要於日本進行活動。五位成員有樣共通點—眼細。雖然外貌較為另類,不過網友聽過佢哋嘅歌藝後,大讚有實力!


理想(少少): Zetta 團體照



現實: 成員真身



而Alldayz 則係今年2月出道嘅新男團,一共有四名團員。團體照中幾位白馬王子,點解真人可以出事到咁架????終極國字面固之然經典啦,但有成員染咗白金頭再配超濃密嘅「小新眉」都相當奇葩......


理想(少少):Alldayz 團體照



現實: 成員真身



 兩隊男團被封「最醜男團」,有網友笑言見到佢哋後自己即時充滿自信,哇佢哋真係散發滿滿正能量啊!


圖片來源: 飯拍(@JL5JL)、Internet


撰文: Amber


 古天樂普通話又出事!點解無啦啦要「炸死」架車?


【毀童年】迪士尼公主著比堅尼 嚇到個心離一離

聯 絡 我 們