【妙筆生輝】神一般的畫功 完美呈現IU美貌

 IU一向有「國民妹」之稱,有幾受歡迎真係可想而知啊~有位畫畫超勁嘅粉絲直頭畫親咩都係畫IU,畫出嚟連神態都超似IU本人啊!

IU本人個樣本來就係超清純~好襟睇!

但係呢位粉絲將佢畫得增添咗幾分仙氣~

就好似一隻小精靈咁,會令人忍唔住不停咁望住幅畫! 

呢種唔知係咪叫田園風呢?

呢個造型相信大家一眼就睇得出係《月之戀人-步步驚心:麗》入面嘅解樹!

呢幅都係呼應返月之戀人而畫,不過就係返咗現代~

小編認為蝴蝶結幾時都係最適合少女嘅飾物,放喺IU頭上直頭係可愛度爆表!

咁靚嘅畫你以為要用好多工具畫?呢位粉絲就話咗比你聽,其實只要鉛筆同木顏色筆就搞掂啦!

不過每一幅都需要一段時間先可以完成,始終一筆一筆咁畫唔係用電腦嘛~

畫呢幅嘅時候應該就係佢煲緊月之戀人嘅時候喇~睇下佢將啲細節位畫得幾好!

比張真實圖比大家對比下~小編個人覺得條裙畫得仲靚過真果條~

唔知係咪因為畫得多,佢已經完全掌握咗IU嘅神態,就算只係畫一隻眼大家都可以認得出係IU雙眼!

佢仲會運用自己嘅幻想力,將IU cosplay成唔同嘅人物~例如呢幅係長髮公主Rapunzel!

仲有魔女宅急便嘅琪琪,當然要畫埋吉吉同埋把掃帚啦!

估唔到IU做小丑女都幾入型入格,仲幾靚添喎~

韓國之前播完《藍色海洋的傳說》,當然要連人魚都扮埋啦~不過小編都係覺得全智賢做人魚無得輸!

呢位粉絲畫嘅畫,就連IU本人都超鐘意!仲成日攞嚟影相添啊~

小編覺得作為粉絲,得到偶像鐘意自己嘅畫真係超!幸!福!但係小編嘅畫功...應該唔會有人鐘意架喇...((哭

圖片來源: [email protected] Instagram

撰文: Msrachel

DMC Firewall is developed by Dean Marshall Consultancy Ltd