女人keep得好，就算年過40都一樣有巿場！比起無綫新進小花，一眾有樣有身材嘅凍齡女星更散發出一股成熟女人味，殺傷力超強！
陳松伶 46歲
好耐冇返無綫拍劇嘅陳松伶相隔十一年後，新作《全職沒女》將於今晚（10日）首播。劇中陳松伶飾演傻大姐性格嘅失婚沒女，好多網友都話好期待佢嘅演出啊！雖然最近陳松伶有啲發福，但都算Keep得唔錯架啦！
陳煒 43歲
現年43歲的索爆人妻陳煒近年喺不同劇集中大放異彩，好多網友都大讚演技出眾。仲係好Fit 陳煒喺劇集中不時有性感演出，喺上年台慶中更帶領一眾女藝人表演性感肚皮舞，超搶鏡啊！
康華 46歲
康華喺上年無綫古裝劇《刀下留人》憑萬貴妃一角成功爆出，大家除咗大讚康華演活角色外更大讚佢樣貌同身形都keep得好好。上年台慶康華更伙拍馬蹄露及樊亦敏一齊唱出《伊人當自強》，MV中大晒長腿。網上更有一句話，「當男人開始喜歡康華，就證明他成熟了。」
萬綺雯 46歲
1998年播出嘅亞視經典劇集 《我和殭屍有個約會》讓萬綺雯演藝事業登上高峰。相隔約20年過後，今年46歲嘅萬綺雯好似食咗防腐劑咁，同當年嘅馬小玲仲係一樣樣架！
梁琤 47歲
武打女星出身嘅梁琤為人一向低調 ，真係唔講都唔知已經47歲，佢對自己身形的要求非常高，為咗保持苗條身材，梁琤除咗會做運動之外，更加會用唔少減肥偏方，甚至會節食，大家真係唔好亂咁學啊！
郭少芸 48歲
唔經唔覺原來郭少芸已經入行24年，睇返佢早前喺《愛·回家之八時入席》及《律政強人》嘅演出郭少芸真係Keep得幾好，呢位熟女好有女人味啊！
樊奕敏 45歲
雖然樊奕敏係發咗福少少，不過佢仲keep 得好好。
張慧儀 43歲
宣布2017年全面復出幕前嘅張慧儀身材樣貌同當年冇太大改變。身為上一代嘅性感女神，連34C嘅驕人身材都keep得好好，難怪佢自己都話，唔同年紀都有唔同年紀嘅靚。
圖片來源: Weibo, Internet
撰文: Amber
