網絡世界咁發達，有唔少人都會搖身一變成為網紅，呢個稱呼唔止大人啱用，就連小朋友一樣可以，佢哋嘅Follower分分鐘仲多過明星，你唔識佢哋你就OUT喇！
一於等小編同大家介紹幾個大家一定要識嘅台灣小網紅，除咗有星二代之外，仲有素人代表！大家得閒睇下佢哋嘅搞笑成長過程，真係即刻開心晒啊！
1. 台法混血兄弟 - 阿歷山大與肥安
相信大家對呢兩兄弟都唔會陌生，因為佢地真係好紅，仲可以算係第一代小網紅！媽媽用嚟紀錄佢哋生活點滴嘅粉絲專頁足足有九十幾萬人Follow，小編都係其中一個～
哥哥亞歷山大擁有圓碌碌嘅一對大眼睛，外表一百分之餘，加上性格體貼善良，真係冧死好多姐姐阿姨啊！
細佬肥安就超級為食又搞笑，成日鬧出唔少笑話令到大家哭笑不得，亦都係因為咁可愛，吸引大批粉絲！
搞怪嘅肥安真係笑料百出架！呢幅相小編表示睇一次笑一次！
而肥安鬧過嘅笑話，小編認為最近呢一個真係好好笑！小朋友真係好天真無邪～
佢哋受歡迎嘅程度係已經可以舉辦見面會，仲有出版社搵媽媽出書講下點樣教出兩個咁乖嘅仔～
傳送門：王君萍
2. 台味十足小妹妹 - 妮妮
2015年開始【那對夫妻】Facebook專頁成立，而家粉絲人數已經有200萬 ，內容包括父母（Nico品筠&Kim京燁 ）嘅趣味對話、妮妮爆笑短片等，讓唔少網民睇完都覺得超治癒，絕對係網紅界素人嘅表表者！
就快三歲嘅妮妮成日都鬧出好多笑話，例如之前比貓咬到向爸爸撒嬌～
| {youtube}UeUAEecLKBU{/youtube} |
妮妮仲係一個愛爸狂，比媽媽號稱地表最強小三！
| {youtube}8mX3PbdG_qM{/youtube} |
最近爸爸為咗妮妮同老婆寫咗首歌，估唔到竟然用幾日時間就衝破KKBOX日榜冠軍，擠下Hebe首「當你」，仲衝破KKBOX總榜冠軍，今次擠下嘅係周董「告白氣球」！
| {youtube}UvNBwbOFwrw{/youtube} |
較早前佢哋出新書，預購嘅時候1500本精裝版喺15分鐘內秒殺，創下平均每0.6秒賣出一本嘅記錄，被媒體封為「地表最強網紅家庭」，人氣超高啊，所以你話喇，點可以唔識佢哋呢？
傳送門： Nico品筠&Kim京燁 【那對夫妻】
3. 小小無臉男 - 萌萌
睇到以下呢幅相，可能大家都會有啲印象～佢就係之前神cosplay做無臉男而喺網上爆紅嘅台灣小妹妹萌萌！
其實佢係一位好可愛嘅小妹妹，佢嘅笑容絕對會融化大家嘅心！
而且媽媽話佢對自己嘅造型好有主見，成日都會自己做配搭，出嚟嘅效果都好好！
萌萌表情多多，比台灣名模公司伊林睇中咗，而家萌萌已經係一個小小模特兒喇～粉絲專頁都有18萬粉絲！
萌萌仲有一個一樣咁可愛嘅妹妹叫咩咩架～
傳送門： 萌萌（小小無臉男）
4. 黑范愛情結晶品 - 飛翔兄弟
飛飛同翔翔作為星二代，自然未出世已經吸粉無數，小編直頭係見證住黑人同范范由拍拖到結婚再到生仔嘅整個過程，所以飛翔出世果陣，小編真係好感動！
呢一家三口而家睇真係好幸福，但係幸福嘅路其實一啲都唔易行，例如兩夫妻經歷過嘅LOVELIFE TEE事件，但最辛苦莫過於媽媽嘅求B之路，同埋飛翔出世時，爸爸面對要保住媽媽定係保住兩個小朋友嘅兩難抉擇！
當時兩兄弟都要喺氧氣箱生活，好彩兩兄弟而家已經健康一百分！
雖然兩個仍然好似樣，但係性格就大不同，飛飛比較好動活潑，而細佬翔翔就出名叫「淡定翔」～
同爸爸直頭係餅印一樣，希望大個唔會好似爸爸咁成日整蠱媽媽同小亨堡啦～
以上幾位小網紅係小編真心推薦，真係好似睇住佢哋一日一日咁大個，雖然多數係笑料百出，但係有時都幾感觸！
圖片來源：Facebook
撰文：Msrachel
