由出道以嚟一直深受日本民眾愛戴嘅木村拓哉，背負SMAP解散罪名，負評不斷。最近男神木村拓哉首次登上內地雜誌封面，大show手臂肌肉。不過雜誌一出，好多網友都覺得啲相出晒事，點解影到我男神咁架？！
雖然今年44歲嘅「日劇天王」木村拓哉最近主演日劇收視率每況愈下，但喺日本及中港台人氣依然強勁，最近更登上內地雜誌《紅秀GRAZIA》封面！今次輯相係由著名女攝影師蜷川實花操刀，攝影風格依舊大膽而創新。好多人都好期待兩位合作嘅成圖果，可惜結果令到好多網友失望，更加有人問點解影到我男神咁似日本啲「牛郎」......
木村拓哉長瀏海髮型，身穿皮衣，明明係想表現出壞男人嘅魅力，但效果出到嚟一啲都唔型，而且越睇越似孫耀威......
小編唔識藝術，想問下食肉係想表達啲咩？我睇唔透...... (另外想問，塊肉係咪生架.....？)
膊頭坐住個人係發生咩事？
點解手臂啲肌肉變晒肥肉嘅......
好采木村拓哉本身夠靚仔啫，其他人影一定更加出事！
圖片來源 : 微博 @fashionmodels
撰文：Amber
【有冇咁橋】Balenciaga新袋款同Ikea環保袋相似度100%
