《賭城群英會》卡士強勁 有無機會收視創新高

Kinnie Cheuk 06 Jun, 2017


《賭城群英會》係TVB、王晶同上海優創影視文化有限公司聯合製作嘅電視劇,以賭博、懸疑為主題,全實景拍攝製作。TVB對上一部以賭博為題材嘅電視劇已經係2006年嘅《賭場風雲》,就咁睇題材都幾吸引~



睇下劇集poster先,Er…唔知點解有啲大陸feel,不過睇嘢唔可以睇得咁表面嘅,睇埋個劇情簡介先~


劇情簡介:一場廿年前的賭局,兩位絕世高手決戰,向無名(謝賢)突然現身為師兄取勝後從此消聲匿跡,屠家為一雪前恥,埋下日後千絲萬縷、禍延下一代的恩怨交纏。無名兩大門生是旦哥(陳百祥)和十三妹(陳法蓉)本是戀人,惜一場誤會令二人分道揚鑣,各自栽培精通賭術和各項本領的徒弟,OK仔(馬國明)、吹水文(黃浩然)和瀟灑哥(何浩文)先後得是旦哥收留,而十三妹就悉心栽培施小東(佘詩曼)、程小北(高海寧)和黃小南(文凱玲)。OK仔和小東多次交手由厭生愛,其後更聯手對付以屠東海(李國麟)和兒子屠大寶(吳家樂)為首的陣營,可惜吹水文中途變節,是旦哥在最後關頭交棒OK仔,雖有好友陳小龍(楊明)暗中幫助,OK仔也難逃一劫,負傷踏上終極復仇一戰,此刻無名竟重現人前……


就咁睇字都覺得好王晶~劇情就好大路,唔知演員可唔可以爭取下收視呢?



睇返上面嘅演員名單,謝賢真係好耐無拍過劇,叫座力應該都可以嘅。但第二男主角係叻哥陳百祥,即刻大打折扣喎~


675ea4f4gw1f4n1vkl2nxj21yx1h57r0.jpg



再睇落去,陳法蓉同佘詩曼都係正嘢,但要睇叻哥同陳法蓉親熱?小編真係接受唔到囉~



再掃落去睇下先,何浩文、劉兆銘、梁琤都比較少喺TVB出現,佢地又係咪你杯茶呢?





演員陣容就好強勁喇,唔知今次會吸到幾多收視呢?


 


圖片來源:網上


撰者:Kinnie

聯 絡 我 們