【劇透慎入】《天地豪情》最後大直路 好人無好報?

Kinnie Cheuk 28 Aug, 2017



而家每晚深夜TVB都會重播《天地豪情》,雖然唔係第一次睇,但小編仲係每晚都睇到好緊張啊!剩返兩個星期唔夠就大結局,不如等小編劇透吓,俾個心理準備大家先啊~



張家輝(演甘量宏/Kelvin)
作為劇中嘅大奸角,當然惡有惡報喇~結局佢被警察圍捕時,被鐵枝擊中昏迷,2年後去世。每次見到佢喺程家面前扮可憐,真係好想衝入電視機殺死佢啊!




蔡少芬(演孫樺/Diana)
小編認為佢真係由頭慘到尾,每段戀情都係悲慘收場,之後仲因為想搜集張家輝犯罪證據而埋佢身,俾全世界誤會,最後仲慘被碎屍!




吳美珩(演甘鳳欣/Joe)
本來同羅嘉良係一對甜蜜情侶,但之後因為一時利慾薰心而虧空公款買股票,之前輸咗竟然要下屬頂罪,仲搞到下屬Mark坐監。羅嘉良知道後毅然同吳美珩分手,吳美珩諗住以死相逼,希望可以感動羅嘉良同佢復合,可惜最後失救而死。



陳錦鴻(演程家雄)
由頭到尾都係個傻好人,就算女朋友宣萱同好朋友羅嘉良點講,佢都唔信張家輝係衰人。結果最後佢俾張家輝屈係殺宣萱嘅兇手,好彩搵到證據證明自己清白先無事。小編其實都幾討厭程家雄呢個角色,一直都縱容張家輝,間接害咗好多人。



宣 萱(演董若妍)
本來係陳錦鴻女朋友,但最新個集已經講到陳錦鴻害死佢阿哥,所以佢決定同陳錦鴻分手。之後佢請私家偵探一齊搵張家輝罪證,可惜最後俾佢發現,同私家偵探一齊被殺。



黃日華(演甘樹生)
之前佢俾張家輝屈意圖殺人,好彩之後上訴成功,可以出返嚟「打大佬」!可惜之後為救羅嘉良而昏迷,仲搞到對眼得返三成視力,連之後唯一嘅手術機會都失敗埋,失明收場。


8253ac6d95d5156b3191034d418467a6.jpg


戴志偉(演張 偉)
雖然佢唔係主要角色,但小編好鐘意佢同蔡少芬嘅感情線,一個黑社會大佬為咗個女人而金盤洗手,TVB好應該拍返個外傳俾佢喇~好人唔一定有好報,戴志偉因為不滿張家輝成日騷擾蔡少芬而走去警告佢,結果張家輝懷恨在心搵黑幫打到戴志偉重傷,最後佢重傷而死。小編最鐘意嘅角色咁就玩完喇……



雖然《天地豪情》啲劇情有啲狗血,但追看性真係一流!大結局之後小編終於可以早啲瞓喇~


圖片來源:網上
撰者: Kinnie

聯 絡 我 們