一直都以為食老鼠藥係必死，但原來世界上真係有不死之人架！
最近一個韓國節目播出一條真人真事改編嘅影片，一個女人發現老公有外遇後要求佢道歉，點知老公唔單止唔認錯，仲要笑老婆人老珠黃。老婆懷恨在心，於是三年前就喺老公每晚飲嘅茶入面加老鼠藥。
點知加咗足足三年老公都仲未死，老婆終於忍無可忍～佢覺得老公呢三年嚟飲咗咁多老鼠藥，身體入面毒素應該好強，於是就報警話老公吸毒。
老婆諗住今次實可以害死老公喇，點知檢查報告竟然話老公身體無毒素，仲好健康添～原來因為老公之前接受過大腸癌切除手術，之後醫生都有開含有維他命K3成份嘅藥俾佢食，而維他命K3正正就係老鼠藥嘅解藥，唔怪之得老公三年嚟都無事喇～
節目出街後，韓國網民都叫呢個老公做「不死男人」，而佢老婆亦因為殺人未遂而被判三年半監禁。所以話呢，害人終害己啊～
想睇完整片段可以去呢度►http://tv.naver.com/v/668516
圖片來源:影片截圖
撰者：Kinnie
一直都以為食老鼠藥係必死，但原來世界上真係有不死之人架！
