蟻民 Ants Public

駕駛者之間發生衝突都好常見，喺澳洲墨爾本，就有一名男子疑似同另一位司機發生衝突，唔憤氣嘅佢突然停低架車，喺車尾箱拎咗把弓箭出嚟～
根據《每日郵報》報道，目擊者Sharyn Bertram聲稱見到果位男子將車停喺路邊，怒氣沖沖咁喺車尾箱拎出咗自己嘅「秘密武器」。喺佢拍嘅片睇到，果名男子作勢描準對象拉咗一下弓，之後因為果名男子向佢果邊行過去，Bertram驚佢見到佢影相，就驚到收埋部電話。

之後Bertram接受傳媒訪問果陣話，10分鐘後返去現場，聽到另一名女士話個男人向架車射咗一箭，箭頭跌喺路邊，而弓就比佢掉咗去路邊嘅灌木叢到。目前，警方仍然搜查緊果位男子，據稱佢體型偏瘦，中等身高。