美國東岸暴風雪吹到成個城市都白茫茫一片，但球迷就一於少理，照樣出門睇比賽，真係要俾啲掌聲咁多位球員同球迷啊！
啲雪大到運動場都睇唔到，但球迷仍然好堅持要去現場睇比賽。
大家可以睇下球場嘅前後對比，落住雪嘅球場好似幅畫咁～
觀眾席上面睇到嘅球場係咁……其實大家真係睇到比賽咩？
睇場波搞到自己好似《明日之後》咁，隔住個mon都覺得凍！
連當地天文台都喺twitter對球員表示敬意啊！
最後主場嘅比爾隊以13比7擊敗對手，賽後球員仲同球迷一齊玩雪球大戰，小編諗佢哋一世都會記得呢場咁難忘嘅賽事～
圖片及資料來源：MashableAsia
撰者：Kinnie
