蟻民 Ants Public

喺南非，有一隻15日大嘅雌性小貓Bettie Bee，因為天生有兩塊面而成為網紅。一開始獸醫想放棄佢，但Bettie Bee靠住自己堅強嘅意志生存落嚟。
Bettie Bee Bettie Bee

Bettie Bee係一隻虎斑貓，出世嘅時候只有佢出現基因突變，擁有2塊面、3隻眼、兩個嘴同埋兩個鼻。雖然佢有兩個嘴，但兩個嘴都係通向同一個胃。啱啱出世主人帶佢去睇獸醫果陣，醫生建議將Bettie Bee人道毀滅，但主人就將佢交比有照顧特殊貓隻經驗嘅飼養員手中。
Bettie Bee

之後飼養員覺得Bettie Bee非常活躍，覺得佢有極高生存意志，所以拒絕咗醫生嘅建議。而且仲幫佢開咗個facebook專頁，上載佢日常生活嘅相同影片。