正所謂說話唔可以亂講，稱謂都唔可以亂叫。有網民係 Facebook 專頁「名校 Secrets 」投稿，話自己去快餐店食野果陣，唔小心叫咗一位女店員做「姨姨」 ，之後竟然被報復？
果位網友話自己去KFC叫咗個鬆餅，但係個鬆餅就無加蜜糖，所以佢就去前台要求一位職員幫佢加返，佢話叫咗位女職員一聲「姨姨」 後，位女店員秒速「黑面」，跟住佢就得到一個食完會糖尿病嘅鬆餅......網友話經過依件事後，學識咗以後唔好亂叫人～
事件得到三千幾位網友讚好，網友都留低咗唔少抵死留言：「冇人教你靚仔前靚女後咩」、「如果再叫老啲，會唔會變成蜜糖附送鬆餅」、「行走江湖 見到阿婆都叫靚女就實無死」、「賺左啦你」。
圖片來源：名校 Secrets
撰文：Yanica
