英勇印度少女遇上色狼 捉對方當眾遊街

Yanica Chau 06 Mar, 2018


好多女仔聽到「印度」依個國家,都會避之則吉,因為成日都聽到好多女性被侵犯嘅新聞。造成依啲事除咗因為文化外,好多時候都係因為喺印度女性地位較低,佢地好多時候都只好啞忍。


早前就有一位少女忍無可忍,即埸捉住位色狼遊街示眾,仲得到好多途人支持。根據外國傳媒報道,果位21歲女大學生喺行緊街果陣,附近一架嘅三位男子居然對佢做出下流手勢騷擾佢,之後仲尾隨佢唔知有咩企圖。女大生忍無可忍,決心捉住依啲唔尊重女性嘅色狼!

女生捉住佢衣領,另一隻就打電話報警,過程得到唔少途人幫手。果位色狼驚比人認出,不停搵手掩面,最後警方到場帶走咗佢同埋佢嘅同伴。

事件放上網後,唔少網友都大讚依位女學生夠哂英勇,喺其他人啞忍嘅時候勇敢企出黎,可以有效令到啲男士唔敢再咁猖狂。


圖片來源:DAILY MAIL


撰文:Yanica

聯 絡 我 們