【有洋蔥】囝囝封利是比爸爸:買你一日嘅陪伴

新年小朋友就梗係坐定定等收利是,但喺中國河南市就有一位小朋友,喺新年期間竟然掉轉封300蚊人民幣利是比爸爸,背後原因令人心痛。

爸爸嘅職業係一位鐵路警察,平時工作都極為繁忙,每逢假日特別係新年依啲日子都要返工,所以無法同家人團聚。囝囝因為太掛住爸爸,所以拜託媽咪將佢收到嘅300蚊利事,透過微信支付轉交比爸爸作為利是,仲附加自己打嘅訊息,希望可以用利是錢買到「爸爸一日嘅陪伴」。

爸爸得知真相後,覺得羞愧不已,仲話依封利事好似千斤石咁壓喺佢心上。佢話自己身為派出所嘅總指揮,必須帶頭守喺崗位上,對於自己無論過節、開學、放學都無辦法陪住囝囝,只可以同佢講句「抱歉」,仲忍唔住流下男兒淚。 

圖片來源:sinchew

撰文:Yanica

  

DMC Firewall is a Joomla Security extension!