韓國推出「出租OPPA」服務 靚仔OPPA陪你遊韓國

之前內地佛山一個商場推出「出租男友」服務,服務包括陪行街、幫手拎野等等,反應比預期中熱烈好多。而依陣出租風仲吹埋去韓國添!


而家韓風當道,無論係咩食物或者產品,只要冠上「韓風」兩個字,都會非常受歡迎。所以韓國就有間叫ohmyoppa嘅公司想食住個勢,推出「出租韓男」服務,只要你租咗位OPPA,佢就會帶你玩遍首爾,一齊吃喝玩樂。
顧客仲有得自己揀啱心水嘅OPPA,click入去佢地嘅網站睇,已經貼哂所有OPPA嘅相比你慢慢揀,仲會列明佢地嘅姓名、喜好、行程、認識嘅語言同埋可以接受預約嘅日子。而且網站承諾,所有OPPA都係相貌英俊、氣質不俗、品學兼優嘅好青年,而且對韓國文化、傳統同埋歷史都好熟悉,絕對係一個稱職嘅導遊。


但係之前網站只係試業,不過已經決定咗4月份就重新啟業,想有位本地人帶你捐窿捐罅,又有位型仔OPPA陪你玩,下次去韓國不妨試下~

圖片來源:https://www.ohmyoppa.com/

撰文:Yanica

 

Our website is protected by DMC Firewall!