為扭轉大眾形象 菲國舉辦女警選美賽

Yanica Chau 19 Apr, 2018



女警一向比人嘅感覺都係比較陽剛,為咗改善警察形象,拉近警民距離,菲律賓警察總署舉辦咗一個「美警選美大賽」,今次仲已經係第二屆!
據知,菲律賓警隊過去形象都唔好,所以警隊近年一直努力扭轉負面形象。今次菲律賓嚟自各地嘅女警都拋開制服換上便服,展現平時展現唔到美麗溫柔嘅一面。主辦單位仲特登幫佢地開咗粉絲專頁,張貼佳麗嘅活動相同埋宣傳影片。
菲律賓警察總署表示,選美係為咗肯定女警喺維持治安同警民關係嘅貢獻,所有嘅佳麗都會為提升形象出一分力。

今年一共有26名女警參賽,佢地所屬嘅地區都唔同,包括埋特種部隊同水警隊嘅佳麗,唔知會唔會真係改變到大眾對佢地嘅形象呢?


圖片來源:MsPNPGandapulis


撰文:Yanica

聯 絡 我 們