日本便利店抽獎活動 大吉即係抽唔中?

日本FamilyMart由4月10號開始買夠700日圓就可以抽獎,幸運兒可以兌換百幾種免費零食飲品。

大家第一眼見到呢張圖覺得有無中獎?大部份人都會覺得係中大獎,有埋炸雞喺度,仲唔係有免費炸雞食~

各位咁諗就錯啦……今次FamilyMart嘅抽獎活動一反常態,有「吉」字反而代表無中獎。無論係大吉中吉小吉定未吉,通通都無獎。

真正中獎嘅兌換券係咁嘅,清楚列明使用條款同獎品係咩。

FamilyMart就話咁係因為知道啲人抽唔獎會唔開心,所以就俾返啲「吉」字佢哋睇下,希望佢哋開心返。但其實由有到無會仲唔開心囉!

呢個活動引起好多人不滿,就連店員都叫高層理多啲實行上嘅問題,仲希望FamilyMart可以快啲取消呢個活動添。

圖片及資料來源:FamilyMart官方網站[email protected]_now
撰者:Yee

DMC Firewall is developed by Dean Marshall Consultancy Ltd