韓國哥基主人上個月發現隻狗唔見咗，於是就報警仲出埋懸賞公告，話如果揾到佢隻狗就可以得到100萬韓元，即係大概7000幾港幣。公告入面特別標明哥基條尾同屁股呢兩個特點。
佢哋仲請求附近店舖俾佢哋睇閉路電視，希望知道哥基去咗邊。點知就發現隻狗原來俾人煮咗黎食，而個兇手就係佢鄰居！
警方審問鄰居後，佢表示「因為隻狗太嘈，每日都喺度吠，所以就用石頭扑暈佢之後拖到側邊勒死。但佢並無承認食狗，只係話煮完隻狗就送咗俾朋友。
呢位鄰居後來俾警方起訴，而韓國網民對於呢件事都意見不一，有人認為政府應該加強執法同加重罰則；但亦有人認為狗肉同雞豬牛肉都無分別，唔知大家又有咩意見呢～
圖片及資料來源:Dispatch
撰者:Yee
