伊朗女子喬裝成男性睇球賽 被捕後表示:不後悔

伊朗嘅法律一向都婦女有諸多限制,例如自1979年起就禁止女性去球場睇波,聲稱要「保護女性免受庸俗風氣影響」,但其實過往多次有女性嘗試過偷去球場睇波。而最近又有女性用「女扮男裝」的方式混入球賽,雖然最後都係比人發現,比當局逮捕,但佢地表示完全無後悔。


據外媒報導,有幾名女球迷為咗睇冠軍隊柏斯波利斯隊(Persepolis)嘅球賽,不惜著男裝、戴假髮同痴鬍鬚,成功瞞過保安混入球場。佢地入場後除咗影相留念外,亦同其他男觀眾一樣唱歌歡呼,情緒高漲。

雖然最後佢地都係被逮捕,但事後佢地接受訪問果陣表示唔會後悔,而且仲會繼續冒險,因為佢地想話比當局知,無論佢地點阻礙,佢地都係會不斷嘗試。之後佢地亦喺instagramPO出相關照片,引嚟唔少網友留言支持,讚賞佢地嘅勇氣,亦有人留言話希望佢地有朝一日可以光明正大咁入場。

當局聲稱佢地只會暫時「扣留」,將女性們轉移到「洽當」嘅地方就會釋放佢地。

圖片來源:[email protected]

撰文:Yanica

Our website is protected by DMC Firewall!