嫌分手費太少 內地女子200萬現金留酒吧

情侶分手時其中一方提出要分手費嘅傳聞不時都有聽,但內地竟然有位女子連200萬人仔都嫌唔夠?!


據華西都市報報導,內地有一對情侶分手後,女方向前男友索取500萬人民幣嘅分手費,之後男方就用行李箱帶咗200萬去杭州一間酒吧同女子見面,女子發現前男友只係肯比200萬佢後,就同對方爭執後走人,將成箱錢留咗喺酒吧,員工追出去不果。

事後一名酒吧員工幫個行李箱登記失物,唸住佢地會嚟拎返,但箱子意外打開後先知入面收埋咗200萬人民幣。員工報警,警察趕到現場點算,發現全部都係真鈔,隨後當事人出面拎返啲現金,表示果啲係佢嘅零用錢。

有唔少網民睇完依埸鬧劇後話,200萬只係零用錢,咁女方要500都唔係好過份咁話。

圖片來源:微博

撰文:Yanica

DMC Firewall is a Joomla Security extension!