美國夏威夷今年5月3日發生5.0級地震後，基拉韋亞火山開始爆發。至今已有多達百多間建築物被溶岩所破壞，二千多名居民需要撒離。可幸嘅係當地政府早有準備，事前發出咗避難命令，無造成大量死傷者。
但係幾日前就有一架出海睇溶岩嘅船被火山嘅噴出物直擊，當地消防局指有23人受傷。當船返回夏威夷島既時候，就已經有13人需要即使入院。更有一位大腿骨折的女性負傷者，而其餘乘客就喺港口做咗啲簡單嘅處理就可以。
由圖片可以見倒船頂穿咗一個大窿，似係被噴出嚟嘅岩石擊中。而船頂係用金屬製成，可見破壞力驚人。
今次火山爆發更將基拉韋亞火山的破火山口進一步擴大，原本充滿溶岩嘅溶岩湖，宜家無晒溶岩。更可見有大規模嘅地殼變動發生咗，未知會否永久改變該地地貌。早幾年有人喺該處影到溶岩笑臉，圖片被網上廣傳，有被戲稱是火山女神對人類微笑。
撰文：OliverFong
