對於有睇《幸運☆星》(らき☆すた)嘅動漫迷嚟講,呢個一定喺悲報。

" /> 蟻民 Ants Public

《幸運☆星》聖地鷲宮神社 入口鳥居斷開倒下

Oliver Fong 26 Sep, 2018


對於有睇《幸運☆星》(らき☆すた)嘅動漫迷嚟講,呢個一定喺悲報。喺作品入面有出現嘅鷲宮神社場景,入口嘅鳥居喺8月11日竟然斷開成座倒下。


入口被圍封2


埼玉縣久喜市嘅鷲宮神社被動漫《幸運☆星》取景,神社一帶作為原型出現在動漫之中。唔少動漫迷都會去過呢個地方「聖地巡禮」,新年參拜人數更因為動畫嘅播出由7萬上升至47萬人。


幸運星場景


今次鳥居倒下嘅原因喺因為作為材料嘅樹木老化,底部支撐不到整個鳥部重量,幸好今次意外並無受傷嘅人出現。鳥居嘅兩條支柱因為都有一塊銅板包圍,當有雨水進入樹木內部,水分唔能夠快速蒸發,引致容易腐爛。目前鳥居已被解體,並運送離開現場。


整座鳥居倒下


正在解體


運離現場


2007年4月至9月《幸運☆星》在電視上播出,動畫嘅舞台鷲宮町、幸手市、春日部市成為動漫迷嘅聖地。鷲宮町、幸手市更加配合動畫而實際改變街道嘅外貌。幸手市將街道嘅設計改變,令作品嘅角色出現。仲有原作者美水Kagami嘅屋企作為展覽館開放,吸引更多人到訪。另一方面,鷲宮町就喺商店街方面著手,有原創嘅角色商品、餐單等等。而鷲宮神社就當然加入《幸運☆星》原素,令當地嘅祭典「土師祭」、新年參拜等更活潑。


土師祭


有不少動漫迷朝聖


有不少動漫迷朝聖2


撰文:Oliver Fong

聯 絡 我 們