英國皇家學會嘅網上科學雜誌Royal Society Open Science喺29日發表咗一篇有關山羊嘅研究，打破咗我哋一直以嚟對動物嘅見解。
由歐洲同巴西組成嘅研究隊伍對山羊做咗一個有趣嘅實驗，佢哋將同一個人嘅兩張唔同表情嘅相片分別展示比山羊睇。表情分別喺一張開心嘅笑面，另一張就喺憤怒嘅表情。參與實驗嘅二十隻飼養山羊明顯會靠近笑面嘅果一張相片，佢哋會有傾向用個鼻微微貼近相片。論文指呢個實驗可以明示山羊識得睇我哋嘅感情，而呢個亦都喺第一個証據。
論文其中一位作者英國倫敦大學Queen Mary校嘅Christian Nawroth表示，山羊見到兩種表情作出反應時間嘅平均值有50%差別，開心表情約1.4秒；憤怒表情約0.9秒。研究結果可以推論「家畜擁有智慧去分析周遭環境」，由觀測人類嘅表情可以決定自己下一步嘅行動。
而Nawroth嘅同事Alan McElligott表示，除咗家畜或者寵物可能因為長時間接觸人類，而訓練出識睇人面色嘅習性。野外各種各樣嘅動物都有睇得明人類表情嘅可能性。呢個研究對於人類、家畜、其他動物之間嘅關係，給予一個重要嘅論述，對日後研究生物有重大幫助。
撰文：Oliver Fong
