{youtube}90OiZwQD9-M{/youtube}
位於紐約時代廣場附近嘅一間熱狗店，喺8月28日下午佢嘅太陽傘上竟然出現一大堆蜜蜂，仲要報警要警察到場處理。大部分蜜蜂都依附住喺傘嘅上面唔郁，原本黃藍色嘅傘變成黑色傘，喺太陽嘅照射下十分惹人注目。附近有大量民眾駐足觀看呢個喺城市超稀有嘅情景，但都大家唔敢行埋去。
The Guardian嘅報導指出該一帶更加要暫時封鎖，要警察用吸塵機將大約2萬隻蜜蜂吸走。靠近落手落腳郁手嘅警員都要全身密封，防止蜜蜂會突然成群攻擊。
有處於蜜蜂群之中仍然冷靜滑電話嘅男性。
有害怕蜜蜂的行經女性。
據紐約市嘅養蜂專家團體代表講「可能喺因為佢地原本嘅巢唔適宜居住，先會發生咁嘅事」，而熱狗店附近嘅地域的確有大量蜜蜂嘅巢存在。可能喺巢被破壞，令一大堆蜜蜂只好即時搵個可以依靠嘅地方停留。今次事件可謂難得一見嘅生態奇觀，筆者就比較擔心吸走咗嘅蜜蜂到底仲可唔可以生存呢？
撰文：Oliver Fong
