【有錢就是任性】台灣婆婆用LV裝魚 大讃夠防水

Amber So 05 Apr, 2017


相信好多女仔都好想擁有一個名牌袋,有都會好愛惜咁用。台灣有位孝順孫仔最近喺網上分享嫲嫲嘅霸氣事蹟﹐阿孫仔上個月買咗個名牌LV袋畀嫲嫲,點知去探嫲嫲時,驚見LV袋內裝滿了「虱目魚」!!


話說呢位孝順孫仔見嫲嫲好耐冇換袋,平時又用開花紋布袋,諗住對台灣嫲嫲好啲,所以上個月就去LV買咗個萬幾蚊港紙嘅Tote Bag畀嘅嫲嫲。去到專門店自己唔知邊款好,所以就只係同店員講話要經典款大袋。



 


點知最近去探嫲嫲時,諗住順便睇下嫲嫲用個袋用成點啦,點知驚見LV袋內裝滿了「虱目魚」!!孫仔就好激動咁問嫲嫲點解拎個袋放魚,仲要冇裝膠袋,「這是LVㄋㄟ」!點知嫲嫲答話啲魚好新鮮,今晚煮嚟食。同時嫲嫲都笑住多謝阿乖孫送個袋畀佢,雖然有啲重,不過品質好、夠晒防水,買餸一流!



孫仔聽完後都唔知好嬲定好笑,不過佢諗深一層,自己買個袋畀嫲嫲都係想佢開心啫,嫲嫲開心最重要,自己盡咗做孫嘅本份就得啦!之後孫仔只好無奈地放返好個袋,並抱住嫲嫲,提醒佢下次要帶埋自己去買餸。孫仔更笑言難怪LV係國際名牌,拎住個袋可以「上刀山落油鍋」。


Post一出,網上迴響極大,網友大讚孫仔有孝心,又講笑話呢位婆婆一定係街市中最潮嘅婆婆,拎LV放魚,魚都會升值!


小編就覺得無論你送咩都好,只要你有心,平定貴嫲嫲都會開心。不過唔知嫲嫲知道個袋幾錢後會有咩反應呢?


圖片來源 : Dcard, hk.louisvuitton.com
撰文 : Amber

聯 絡 我 們