雞蛋嘅有好多種食法，而且營養全面豐富，係大家日常生活中不可或缺嘅食物。如果想試試雞蛋新食法，大家不仿試下整呢個近期大熱嘅雞蛋食法－「雲蛋」。
好多人喺 Instagram分享美食都追求樣靚又好食，而最近IG最多人追捧嘅美食就係「雲蛋」！雲蛋同個名一樣，外貌睇落好似一舊雲咁，軟綿綿嘅蛋白包圍住半生熟嘅蛋黃。食落嘅口感就好似梳乎厘一樣，非常鬆軟！而且成隻「雲蛋」只有161千卡，健康好食又呃到like，難怪喺IG人氣高企啦！
超可愛嘅雲蛋其實唔難整，絕對係大家嘅早餐之選，就讓好心情同滿足感從早餐開始啦！
1. 首先將蛋白同蛋黃隔開。
2. 將蛋白打至起泡及挺身。
3. 加少量鹽作調味。同時可以根據個人口味加入火腿、香草、芝士等材料後攪匀。
喺焗盤上擺好焗紙，將打好嘅蛋白放上去。記得中間要預留凹陷位置放蛋黃。
預熱焗爐至230°C，焗4-6分鐘，等到蛋白金黃就可以拎出嚟架啦！
配麵包或者沙律食都可以，見到都好肚餓啊！
圖川來源：Instagram、Popsugar
撰文：Amber
