【就算世界無童話】迪士尼公主到現實世界的黑暗下場......

絕大部份童話故事嘅結局都係Happy ending,王子同公主會一直過住幸福快樂嘅生活。細個當然會相信童話故事係真實存在,世界真係咁美好,但長大過後就明白現實邊會有咁美好吖......

來自美國費城嘅攝影師Shannon Dermody 打破大家對童話故事嘅美好幻想,帶迪士尼公主們為到現實社會,呈現出不同嘅社會議題。

Domestic Violence:Belle同野獸姑婚後真係會一直幸福快樂咁生活落去?有冇諗過Belle 會畀野獸家暴?

Pollution:而家海水污染咁嚴重,同美人魚生活嘅唔係一眾魚蝦蟹,而係只有垃圾。

Police Brutality:《公主與青蛙》中首位黑人公主蒂安娜會唔會因為自己黑人嘅身份而受到種族歧視,遭到警察槍擊?

Alcoholism:白雪公主唔係畀毒蘋果毒害,而係飲醉酒。

Rape:喺睡美人沉睡一百年間,可能有人對公主做咗啲難以啟齒嘅事......

Sex Trafficking:灰姑娘除咗要做家務、訓閣樓,為生存,可能仲要出賣自己嘅身體。

Suicide:長髮公主因為長年受困於塔頂,缺乏社交生活而抑鬱尋死。

Heroin:梅莉達見到所有有關熊嘅劇情,其實只係佢吸毒後嘅幻覺。

Tobacco:茉莉公主其實係煙民一名,神燈根本唔存在。

圖片來源:shannondermodyphotography.com
撰文:Amber

DMC Firewall is developed by Dean Marshall Consultancy Ltd