好多人去旅行時都花時間行便利店，因為各國嘅便利店時不時都會推出限定商品，而且又隱藏好多平價美食，絕對係大家嘅尋寶聖地！最近韓國便利店GS25最新推出米奇包裝嘅紫菜包飯，超可愛啊！
韓國便利店GS25時不時都會推出同不同卡通合作嘅商品，例如Minions 牛奶瓶、迪士尼花茶隨身杯，每次都係各位遊客必搶之選！
大家睇韓劇時成日都會見到啲主角喺度食紫菜包飯，去到韓國點都要試下嘅！最近GS25最新推出米奇包裝嘅紫菜包飯，一盒有三種口味，包括火腿蛋、烤肉和辣魷魚，售價為2500韓幣（港幣約$17.4），一次過食到三種味道，抵啊！
而且米奇嘅表情還有兩種不同款式添！抵食又可以呃like，如果大家去開韓國，不仿買嚟做午餐或者買去野餐食吖！
GS25 上星期都推出咗姆明牛奶，有櫻花口味同朱古力味，好可愛啊！而且打開樽蓋都好有驚喜，有12款不同造型嘅造型公仔，每一款都好想要啊！每樽為1900韓幣（港幣約$13.23）。
圖片來源：Facebook @ GS25、Instagram @sjw1120、Instagram @ hyunahji
撰文：Amber
