好多上班族都成日捱夜唔夠瞓，一早起身冇精神，返工真係好易恰眼瞓。想醒神啲又唔想依靠咖啡？以下幾招讓你辨公時間保持醒神有能量！
返工日又做夜又做，有時難免會釣魚恰眼瞓，集中唔到精神做嘢點算好？
1. 一定要食早餐
一日三餐之中，早餐係最重要，因為早餐為你一整日提供足夠營養，維持正常血糖水平，有助腦部運作及發展，提升專注力及工作效率。所以點減肥都好，都千奇唔好唔食早餐啊！
2. 起身散步
最好就當然係落街散步，陽光及運動可以加速血液循環，令你更有精神。不過如果冇咁時間，不仿喺公司行個圈，望唔見自己張枱等個腦可以休息下嘛！
3. 返工前做運動
做完運動返工唔會更加攰咩？根據2008年 Psychotherapy and Psychosomatics 中由喬治亞大學（The University of Georgia）研究員所寫嘅論文指出，恆常地做輕度身體活動可以提升能量20%。返工前做運動令身體更健康之餘，更可以令你整日都充滿精力！
4. 聽歌
邊工作邊聽歌可以化令腦部保持活躍，而且更有研究指出音樂有助提升專注力。
5. 養成少糖嘅飲食習慣
糖份係可以令人短時間內變得較有精神，不過當糖份消耗完後卻會令人更加眼瞓。而且減少糖份攝取會令人平日更有活力，夜晚瞓得更好。如果工作時想食嘢不仿多食健康食品，例如無鹽堅果等食物。
6. 轉換工作環境
唔係叫你轉工，而係因為有時做喺同一個位做嘢太過乏味又太舒服，情況許可下，可以試下轉換工作環境幾個鐘，會令人工作時腦部更清醒。
7. 飲水
如果開始想瞓教，飲一大杯水補充水份，唔洗咖啡都可以保持醒神！相反如果身體缺水會令血液變得黏稠，就會降低心臟向各個器官輸送氧氣及營養嘅效率。
圖片來源：Internet
撰文：Amber
