全世界都係度關注世界盃，當然日本都唔會例外。係25日日本對塞內加爾嘅時候，就有大約500人去咗大阪道頓堀嘅戒橋，姐係香港人都熟悉嘅固力果廣告牌打卡條天橋，睇日本隊嘅比賽。
睇波當然興奮，叫吓跳吓就唔少得啦。但係就要小心樂極生悲啦，當日比賽完咗之後嘅2點鐘，仲有唔少人聚集係橋上一邊唱歌一邊跳舞。但係現場就感覺倒條橋上下搖動，橋嘅各處就有傳出奇異嘅聲音，啲人仲以為係地震。直到3點警察制止之前，仲有大約20人係條橋度跳落河。
大阪市長吉村洋文知道呢件事之後，就係Twitter叫人係28日同波蘭爭入決賽權比賽時唔好再係橋上面一齊跳。因為橋當初設計嘅時候並無預計會有500人係上面活動，由大正時代開始建造直至10年前先至翻新一次，大阪建設局都話呢個係一個好危險嘅事，要大家都小心啲。
撰文：Oliver Fong
