年年聖誕都要交換禮物，年年都唸到頭都爆，外國網站FIREBOX就推出咗一系列嘅客製化商品，可以將人樣印喺唔同嘅產品上，包括攬枕、行李保護套、車用芳香片同飯盒保暖袋等等，朋友收到一定嚇一跳，搞笑又實用！
首先係「人樣攬枕」，只需要一張高清嘅「人臉」相就可以整到，而且重有雙人同三人組嘅搭配添！
好多人去旅行都會幫個行李加個保護套，但有時一式一樣真係好易令人混淆，用咗依個客製化嘅保護套後拎行李就唔驚拎錯，而家又易認～
如果有朋友揸開車嘅話，就可以送依款車用芳香片比佢地，而且佢地嘅味道同外表一樣咁特別，有煙肉、咖啡、新車、新嘅亞麻布或者小島微風五種味道。
另外有飯盒保暖袋，係可以放埋入微波爐叮架，而且仲有超大型「加大版」的人臉cushion，可以當埋枕頭，有時將仇人整做枕頭每晚訓住佢都唔錯！
有咁多款你揀，今個聖誕就唔駛擔心啦～
資料來源：FIREBOX
圖片來源：FIREBOX
撰文：Yanica
