【旅遊】乾花永久保存 搖身一變藝術品

Oliver Fong 21 Jun, 2018


想為冷冰冰嘅屋企帶來一點生氣,唔少人會選擇喺屋企種啲野。但又因為工作繁忙,照顧唔倒植物,怕佢哋全部枯晒。乾花可以喺你其中一個選擇,但喺點樣放置乾花先靚又耐久,其實都喺一門學問。喺日本嘅代代木公園站附近就有一間專賣乾花產品嘅鋪頭,可以滿足到呢類愛花人士。

鋪頭叫「EW.Pharmacy」,由2017年6月開始營運。由篠崎惠美所創立,佢喺一位經常協助藝人MV拍攝、廣告拍攝甚至設計店舖裝飾嘅達人。要經常接觸花草嘅篠崎,最擅長嘅就喺將要掉嘅真花變為可以長期擺放嘅乾花,原意就喺想有更多人可以接觸到花。


走到店內猶如進入中藥藥房,乾花放入一格格透明膠櫃。除咗乾花嘅色彩之外,店內都使用比較單調的純白色。簡單嘅格調除咗令花嘅風頭唔會被搶走之外,亦能夠帶比客人一種舒適感。

每一格有不同種類嘅乾花,全部約有20種類。就好似藥房執藥咁,選擇自己想要嘅花,變成世上獨一無二的組合。


圖左為放入10種類嘅花包,圖右則為5種類。


店內嘅乾花種類會每兩個月更換一次,因應季節而定。在經過染色等等加工後嘅花,會帶來完全不同嘅感覺與變化,所以每兩個月到店舖一次也會有另類嘅新鮮感。


相信唔少朋友都有選擇困難症,喺面對眾多選擇嘅時候都會不知所措。但當你有咁嘅煩惱時,職員都會同你介紹花嘅名、生產哋等等,甚至會講解花喺當哋嘅歷史,一啲你未必知嘅小知識。


當你一個人慢慢選好乾花,店員就會幫你排列好乾花,好好平衡顏色,入袋完成製品!


店內更會有壓縮機將包裝密封好,令濕氣接觸唔倒乾花,加長保存週期。


另外,店員更加會開一張「藥單」,幫你記低花嘅名同佢哋嘅花語,等你自己可以隨時拎黎睇。如果喺拎黎送比身邊嘅另一半,寫埋花語就唔怕佢哋唔明啦!

除左一包包咁拎走之外,仲可以放喺唔同嘅瓶入面。將佢放喺屋企,就完全無違和感啦。


仲有可以將乾花放入去膠波入面,拎上手就欣賞倒啦。



除左可以製作一個自創嘅乾花製品之外,喺店內慢慢睇花。渡過一個悠閒嘅下午,亦喺一個特別嘅體驗。


EW.Pharmacy
地址:東京都澀谷區富谷1-14-11
營業時間:13:00~20:00
最近鐵路站:代代木公園/代代木八幡

聯 絡 我 們