【旅遊】《奇天烈百科全書》《多啦A夢》道具原畫展

藤子・F・不二雄博物館以「奇天烈百科全書」×「多啦A夢」江戶時代的發明與未來的秘密道具為主題 ，舉行約為期一年嘅展覽。展覽分為兩期，前期會喺7月2日結束，而後期將會由7月7日至2019年1月15日舉辦。前後期的展覽內容大部分都會更新，124張原畫展覽之中會有96張會更換，令大家可以接觸倒更多不同藤子・F・不二雄世界。即使今年已經去參看過嘅朋友，也值得再次入場。

呢次展覽喺博物館第一次以「奇天列百科全書」作為中心，展出作品中種類豊富嘅道具原畫展。同時，為香港人熟悉嘅「叮噹/多啦A夢」亦都有原畫展出，絕對適合大人細路一齊去。

博物館本身就有唔少將漫畫重現嘅場景，參觀人士可以同人物嘅立體模型合照。例如有大雄經常去玩嘅公園，見倒三條水管就應該想像倒佢每次比技安「蝦」嘅場景。猶如走入多啦A夢世界，喚醒細個每日準時睇電視嘅回憶。

而喺7月7日至10月1日更會有為8月生日嘅大雄而設嘅特別慶祝活動「大雄●多啦A夢的夏日生日」。入面除咗有經典漫畫造型嘅筆袋、環保袋等等文具產品之外，博物館嘅cafe仲有用咗大雄同多啦A夢嘅樣而設計嘅料理。

多啦A夢迷睇完會唔會心郁郁想去呢？呢個展覽去到下年年頭都仲有，有興趣記得預留半日去參觀吓啦。

【詳情】

「奇天烈百科全書」×「多啦A夢」～江戶時代的發明與未來的秘密道具～

前期：2018年1月25日～7月2日

後期：7月7日～2019年1月15日

※7月3日～6日(金)休館

舉行地點：川崎市 藤子・Ｆ・不二雄博物館

地址：川崎市多摩區長尾2-8-1 

 

撰文：Olliver Fong