【科技】異世界返工　完全虛擬辦公室

相信有唔少人朝早起身醒起要返工，都會覺得由屋企去辦公室好遠，諗如果可以喺屋企返工就好啦。呢個再唔喺夢想，喺北美有一間地產公司「eXp Reality」就創造咗一個屬於佢地公司嘅虛擬世界比所有員工返工啦。實行咗措施之後，公司喺7個月之間員工數目倍增，股票更加由2017年10月開始3倍上升，可見虛擬辦公室超有成效。

呢個完全虛擬嘅辦公室原理十分簡單，只要有一部電部就搞得掂。所有嘅員工都有一個帳號 ，下載一個叫「eXp World」嘅應用程式安裝，只要登入eXp World就等同於返工。

由於現時政府政策公司仍然需要現實嘅地址，佢地就喺華盛頓州租左一個倉庫作為地址，加上幾個地域必要的地址，除此之外就無一間實體嘅辦工室。公司嘅科技部門總裁認為佢地嘅成功的大部分就在於虛擬辦公室，如果沿用實體辦工室，公司就唔會有咁大嘅成長。

而虛擬辦公室最大嘅優點就喺可以透過網絡嘅環境，就喺可以錄用住喺世界各地嘅人才。實際上公司嘅CEO住喺華盛頓州、財務部門總裁住喺內華達州、科技部門總裁住喺紐約，但喺透過呢個虛擬辦公室完全沒有距離感。即使沒有見過面，也可以取得交流。

唔好以為話喺辦公室就會好悶，呢個虛擬辦公室被海包圍。仲有展覽館、沙灘、戲院、足球場等等，同一個完整社區無分別。

eXp Reality喺youtube都公布咗喺呢個世界嘅實際操作，其實同打機無也分別，控制人物可以喺個世界入面四周圍走。

可以有個咁創新嘅方法返工都咪話唔正，有朝一日或者真喺做到返工好似玩緊online game咁，有工作又有娛樂。