日本Lawson 由7月尾開始，已經開始售賣「中華饅頭」。今年用咗以有多汁嘅食感同鮮味特徵嘅「冰溫®熟成豚肉」作為饅頭嘅餡料，最特別嘅喺饅頭仲用咗日清小雞嚟做饅頭嘅造型。亦都有用3種不同芝士配上番茄醬而製成嘅「PIZZA饅」，喜愛食芋頭嘅朋友就更加唔可以錯過用咗紫芋同安納芋製成嘅甜品饅。有多種唔同味道嘅饅頭一次過推出，品種十分豐富。
上年用咗嘅布丁狗造型亦都深受大家歡迎，還原度高嘅同時，好吸引到人想買嚟試下。今年Lawson推出嘅肉饅第一彈就用咗日清食品人氣角色「日清小雞」，作為系列作嘅代表造型。餡料就用咗奶黃餡，配搭返黃色嘅日清小雞顏色。由於每一隻成品做出嚟都未必完全一樣，眼嘅位置可能會有微妙嘅差別，所以拎到點樣嘅小雞好睇運氣。
而紫芋同安納芋製成嘅兩色饅，就用咗鹿兒島縣種子島產嘅風味濃厚紫芋同比較甜味重嘅安納芋。可以同時品嘗兩種芋餡料嘅饅頭，混合出嚟嘅味道相信都會耳目一新。
而喺咁多種饅頭之中，相信最有人氣嘅就喺「PIZZA饅」。熱辣辣嘅3種芝士包喺饅頭入面，一咬開饅頭就好似流心包一樣，芝士就會慢慢流出嚟。水牛芝士、高達芝士、車打芝士分別為呢個饅頭帶來厚重、新鮮、香濃嘅芝士味道，再配上重口味嘅高番茄紅素番茄醬，將口感提升到另一個層次。
當然口味就唔止呢幾種，例如仲有北海道小豆芝麻饅、麻婆豆腐饅、綠咖哩饅等等奇特嘅味道。如果有機會真喺要去日本試吓，睇吓佢哋會唔會衝擊到你嘅味蕾。
撰文：Oliver Fong
