日本近期炎熱嘅天氣除咗對人有影響之外,睇嚟對動物都有好實際嘅影響。話說雞蛋呢類好少會受外來因素影響嘅產品,價格通常都唔會有好大嘅浮動。

" /> 蟻民 Ants Public

【蟻民搵食】天氣太熱雞蛋會變細?日本雞蛋價格上升

Oliver Fong 27 Aug, 2018


日本近期炎熱嘅天氣除咗對人有影響之外,睇嚟對動物都有好實際嘅影響。話說雞蛋呢類好少會受外來因素影響嘅產品,價格通常都唔會有好大嘅浮動。但喺今次嘅高溫天氣,就產生咗異變。炎熱到底同雞蛋有咩關係呢?相信一時間大家都唔會諗到。


20180725 00010001 sp ctv 000 view


位於名古屋附近嘅一宮市有養雞場養有20萬隻雞,每一日都會有10萬隻雞蛋生產。面對炎熱嘅天氣,養雞場都已經用喺牆壁濕水等等方法嚟落溫,但喺室內都仍然有30度嘅高溫。係呢段期間,直頭會有一日死100隻雞嘅情況發生。


20180725 00010001 sp ctv 001 view


而除咗產量減少之外,雞蛋嘅形狀亦變得更細小。原因在於天氣炎熱,令雞隻不願意進食。當雞隻吸收嘅營養減少,佢地生出嚟嘅雞蛋就會縮水。正常氣候嘅日子產出L碼嘅雞蛋,可以賣出比宜家M碼雞蛋多5-10%嘅價錢。所以加埋產蛋數量減少,令雞農喺呢個夏天都有損失。


20180725 00010001 sp ctv 002 view


其實喺5年前嘅炎夏,日本都有發生一模一樣嘅情況。喺夏天嘅時候有唔少雞隻因炎熱死去,雞蛋產量減少。直至年尾聖誕節嘅時候,因為甜品店同超級市場製作副產品對雞蛋有好大嘅需求。令雞蛋嘅價格立即上升,副產品嘅價錢當然一齊上升啦。


20180725 00010001 sp ctv 003 view


撰文:Oliver Fong

聯 絡 我 們