《Pokemon Go》，上年一推出令到全球各地玩家都為之瘋狂，走上街頭都總見到大人細路低頭玩緊。時過一年有多，《Pokemon Go》熱潮已經減退唔少，但你有冇懷念當日一聽到有人話附近有啟暴龍或背背龍，全條街嘅人向住同一個方向跑嘅熱血日子嗎﹖好快大家可能又有另一個手機GAME熱潮出現，因為Niantic證實研發緊《哈利波特》AR遊戲，叫做《Harry Potter: Wizards Unite》。
根據消息拍，華納兄弟旗下Portkey Games搵左AR GAME 好成功嘅Niantic一齊合作合作開發呢個遊戲，計劃喺2018年推出，但實際時間就未知。
根據Niantic官方指，呢個遊戲會將大家帶入J.K. Rowling嘅魔法世界入面，玩家可以探索真實世界唔同嘅社區同城市，你可以係各地冒險、學習法術、搵神秘寶物，仲有機會遇到故事入面嘅怪獸同及角色。
消息一出，好多哈利波迷都表示興奮，唔知個遊戲係點玩呢﹖雖然現時有嘅消息仲好少，但官方出左網頁同Facebook Page公布之後嘅消息。
撰文: JJ WONG
